Nýjar myndir

Sæl öll ég er búin að vera í marga klukkutíma í að setja inn myndir frá ættarmótinu í 3 albúm svo þegar ég fór að skoða þau þá eru myndirnar pínulitlar. Þannig að ég verð bara að reyna aftur seinna því ég er að fara norður á morgunn með peyjana á N1 mótið á Akureyri. Ég stofnaði bankabók í dag og lagði inná hana 90.500 kr ég á eftir að fá 18.500 kr þannig að eftirstöðvar af ættarmótinu er 109.000 kr sem mér finnst bara frábært. Ef fleiri eru með myndir endilega setjið þær hérna inn á síðuna. Ég reyni aftur við myndirnar í næstu viku þegar ég verð komin heim þið getið skoðað þessar bara með STÆKKUNARGLERI á meðan. Bless í bili

Frábærlega vel heppnað ættarmót

Kæru Þingholtarar og makar þá er ættarmótið búið og flestir af þeim 132 sem komu ofan af landi komnir heim til sín. Ég ætla að vona að allir séu mjög ánægðir með helgina einsog ég er. Ég er búin að fara um allan bæ í dag og borga reikningana tengda helginni. Og það verður ágætis afgangur eða í kringum 100.000 kr sem ég ætla að leggja inná Þingholtsreikning sem ég ætla að stofna í Íslandsbanka. Við erum að pæla í að kaupa nýjan stein á leiðið hjá ömmu Þórsteinu því það stendur ekki á steininum að amma og afi séu frá Þingholti eins langar okkur að hafa mynd af þeim saman á honum. Svo langar mig að auglýsa hér eftir einum frá hverju systkini til að vera að blogga og setja inn myndir með mér Þið sem eruð til í að hjálpa mér að gera þessa síðu flottari og með meiri heimildum um fjölskylduna okkar verðið að hafa samband við mig. Ég set svo fljótlega inn myndir af ættarmótinu einsog þið sáuð um helgina þá var ég frekar dugleg að taka myndir. Mig langar svona í restina að þakka Heiðari Austmann og Vigni Frey fyrir frábæra frammistöðu í veislustjórnuninni og öllum þeim sem komu fram í skemmtiatriðum og hjálpuðu á einhvern hátt.

Við erum stolt af ykkur.

Góða skemmtun á ættarmótinu.

Þetta er hópurinn sem mætti á ættarmótið 2004. Það verður gaman að sjá hópmyndina sem verður tekin núna því það eru 246 skráðir á ættarmótið núna og líklegt að við verðum fleiri.

Drykkir laugardagskvöld og diskó

Sæl það gleymdist að minnast á í sambandi við drykkina á laugardagskvöldinu. Ég ætla að kaupa Kók, Sprite og appelsín og kannski eitthvað meira sem allir geta fengið sér af en í sambandi við léttvín og sterkt vín það verðum við að kaupa á barnum. Við erum því miður ekki með hljómsveit það kostar bara of mikið en við verðum með diskó og eflaust verður búin til hljómsveit á staðnum og Silfurkórinn fær að syngja með ef ég þekki Þingholtarana rétt. Endilega hringið í mig ef ykkur vantar einhverjar upplýsingar í gsm 8610144 Berglind.

Tveir dagar í ættarmótið

Hæ hó jibbí jei og jibbí jei það er kominn 17. júní og bara tveir dagar í ættarmótið mikla. Vil bara minna ykkur á að koma með ykkar drykki þegar við hittumst inní Dal á laugardaginn til að hafa með grilluðu pylsunum.  Kveðja nefndin

Eru forföll í þinni fjölskyldu?

Sæl öll ég ætlaði bara að biðja ykkur vinsamlegast að tilkynna forföll ef það er í ykkar fjölskyldu. því að á laugardagskvöldinu kaupum við matinn af Einsa kalda og ég læt hann hafa fjöldann sem borðar og þarf sú tala að vera nákvæm. Við erum núna 237 sem mætum á laugardaginn sem er mjög góð mæting og vonandi helst þessi fjöldi. Það er búið að hringja í mig í dag og láta mig vita með forföll eins eru líka nokkrir sem eru búnir að tilkynna komu sína á ættarmótið. Ef það eru fleiri sem forfallast eða sem ætla að koma endilega hringið í mig ( Berglindi) sem fyrst í gsm 8610144 eða 4811372. Svo svona í restina langar mig að óska öllum góðrar ferðar hingað á parardísareyjuna fögru.

Smá breyting á föstudagskvöldinu.

Jæja nú er aldeilis að styttast í ættarmótið. Það verður smá breyting með föstudagskvöldið því við ætlum að hittast uppí sal Eyjabústaða kl 18.30 og grilla saman. Allir koma með sitt kjöt á grillið og með því og ekki væri verra ef að allir koma með pappadiska og pappaglös til að auðvelda fyrir okkur uppvaskið. Ath allir koma með sína drykki. Ef það eru einhverjar spurningar í sambandi við ættarmótið endilega hringið í mig í 8610144 (Berglind).

Dagskrá og verð á ættarmótið.

Föstudagskvöld.

Veislusalur Eyjabústaða mæting kl.20:30.

Upphitun fyrir morgundaginn, allir koma með sína drykki og að sjálfsögðu góða skapið.

Varðeldur, Söngur, Gleði og Glens að hætti Þingholtara!

Laugardagur.

Hér eru valmöguleikarnir sem eru í boði á milli kl.10-12.

Sund, hittast í íþróttahúsinu.

Heimaklettur, hittast út á Eiði við rætur Heimakletts.

Eldfell, hittast á ómalbikaðaveginum við Eldfell fyrir ofan Sorpu.

Páskahellir, keyra milli fellanna og beygja inn þar sem baðkarið er og stoppa við trönurnar.

 

KLUKKAN 12 hittast allir upp á hrauni við Þingholtssteininn.  Þaðan liggur leiðin upp í Kirkjugarð.

Klukkan 13 fara allir inn í Dal, þar grillum við pylsur og förum í skemmtilega leiki og köllum barnið fram í okkur.

Klukkan 18:30 opnar Höllin og borðhald hefst stundvíslega klukkan 19:00.

Þar verður rúllandi dagskrá, Vignir og Heiðar verða veislustjórar.

Ef þið eruð með hugmyndir að skemmtiatriðum endilega að láta þá vita.  Við viljum virkja sem flesta í skemmtidagskránna sem hafa áhuga. 

Svo verður bara djammað fram eftir nóttu með bros á vör.

Kostnaður:

Fullorðnir 15 ára og upp úr: 5.000 kr.

Börn 7 - 14 ára: 1.500 kr. 

Börn 0 - 6 ára: FRÍTT